Սպիտակ տան նախկին շեֆ խոհարարը լեռներում մահացած է հայտնաբերվել
Սպիտակ տան նախկին շեֆ խոհարար Ուոլտեր Շեյբը Նյու Մեքսիկոյի լեռներում մահացած է հայտնաբերվել, հայտնում է BBC-ի ռուսական ծառայությունը:
Նրան հայտնաբերել են հունիսի 22-ին, թեև անհետացման մասին նրա հարազատները հայտնել էին դեռ հունիսի 13-ին: Ավելի ուշ հաջողվել էր ճշտել խոհարարի գտնվելու վայրը՝ Տաոս քաղաքից ոչ հեռու: Այդ վայրից քիչ հեռու էլ հայտնաբերվել էր տղամարդու մարմինը:
Ենթադրաբար, 61-ամյա տղամարդը որոշել էր միայնակ զբոսնել լեռներում: Թե ինչ է հետո տեղի ունեցել, ոստիկանությունը դեռ չի հաղորդում:
1994թ. նրան վարձել էր ԱՄՆ նախկին առաջին տիկին Հիլարի Քլինթոնը, որտեղ էլ Շեյբն աշխատել էր 11 տարի:
