Կրծքի հատվածում ծակոցնե՞ր եք զգում․ կարդացեք սա
Կրծքի հատվածում ծակոցների զգացումը կարող է պայմանավորված լինել մի խումբ գործոններով։ Steptohealth.ru-ի հաղորդմամբ՝ այն հիմնականում հանկարծակի է առաջանում և կարող է ուղեկցվել շնչառության դժվարություններով, կրծքավանդակի հատվածում անհարմարության զգացմամբ, ցավով, սթրեսով, անհանգստությամբ։
Մկանային լարվածություն։ Այս դեպքում ծակոցներն առաջանում են այն ժամանակ, երբ մեծ քանակով օդ եք շնչում։ Այս դեպքում անհրաժեշտ է հանգստություն պահպանել, հանգիստ շնչել։
Անհանգստություն և սթրես։ Սրանց հետևանքով օրգանիզմը հայտնվում է գերլարված վիճակում։ Լարվածության պահին մարդ կարող է իրեն լավ զգալ, իսկ հանգիստ ժամանակ՝ ծակոցներ կրծքավանդակի հատվածում։
Գերակտիվություն։ Երբ սրտի ռիթմն արագացած է, ավելի ինտենսիվ ենք շնչում, կարող է կրծքավանդակի հատվածում ծակոցների զգացում լինել։
Պերիկարդիտ՝ սրտապարկի բորբոքում։ Այն բուժվում է հակաբորբոքային դեղամիջոցներով, սակայն պահանջում է բժշկի վերահսկողություն։
Առիթմիա՝ սրտի ռիթմի փոփոխություն, որը ևս կարող է հանգեցնել կրծքավանդակում ծակոցի զգացման։ Այս խնդիրը կարող է զարգանալ հետևյալ պատճառներով․
- ծխախոտի օգտագործում
- տագնապայնություն
- սթրես
- կոֆեինի չարաշահում
- ֆիզիկական ծանրաբեռնվածություն
- ճարպակալում։
Սրտամկանի ինֆարկտ։ Սրտամկանի ինֆարկտի դեպքում կարող է սուր, ծակող ցավ առաջանալ։ Այս դեպքում շտապ բժշկական օգնություն է պահանջվում։
Նյութը հրապարակման պատրաստեց 168.am-ը
