Մեքսիկայում նախնական կարգով հավանություն են տվել հանգուցյալների դոնորությանը
Մեքսիկայի Սենատն ապրիլի 3-ին հավանություն է տվել առողջապահության համակարգի բարեփոխմանը, որը նախատեսում է մահացած բոլոր չափահաս մարդկանց ավտոմատ դասումը պոտենցիալ դոնորների շարքին։
«Առողջապահության մասին ընդհանուր օրենքի բարեփոխման որոշումը՝ օրգանների դոնորության մասով, ընդունվում է «կողմ»՝ 75 ու «դեմ»՝ 1 ձայնով եւ մեկ ձեռնպահով»,- հայտնել է Սենատը Twittert-ի իր միկրոբլոգում: Առաջարկության համաձայն՝ մահացած մարդկանցից, բժշկական հակացուցումների բացակայության պայմանով, օրգաններն ու հյուսվածքները կարող են դոնորության նպատակների համար վերցվել ավտոմատ կարգով՝ առանց հարազատների հետ համաձայնեցնելու:
Այդ կանոնից միակ բացառությունը մահից առաջ հանգուցյալի կողմից կազմված համապատասխան գրավոր հայտարարությունն է, որում նա անհամաձայնություն է հայտնում փոխպատվաստման նպատակով իր օրգանների օգտագործմանը: Մեքսիկայում չափահաս են համարվում 18 տարին լրացած մարդիկ: Դոնորական օրգանները վեցնելու կարգի փոփոխումն այժմ պետք է ստանա Պատգամավորների պալատի աջակցությունը, հաղորդել է ՌԻԱ Նովոստին:
