Google-ը նախազգուշացրել է Google Docs ծառայության դիմակով քողարկված խարդախների վտանգի մասին
Միացյալ Նահանգների Google ինտերնետընկերությունը հայտնել է խարդախների մասին, որոնք Gmail էլեկտրոնային փոստի օգտատերերին նամակներ են ուղարկում Google Docs ամպային ծառայության անունից, որոնք իրականում պարունակում են վնասաբեր առաքումներ: Համապատասխան հայտարարությունը զետեղված է Twitter-ում Google
Docs-ի պաշտոնական էջում:
«Մենք հետաքննում ենք այն ֆիշինգային հաղորդագրությունները, որոնք առաքվում են Google Docs-ի անունից եւ ձեզ խնդրում ենք չարձագանքել դրանց»,-ասված է ընկերության հաղորդագրության մեջ:
Google-ում արդեն հեռացրել են կեղծ էջերը, որպեսզի վնասազերծեն օգտատերերին եւ հորդորում են հայտնել կեղծ նամակների առաքման նոր դեպքերի մասին: Ֆիշինգն ինտերնետխարդախության մի ձեւ է, որի նպատակը օգտատերերի գաղտնի տվյալներ մուտք գործելն է եւ նշանաբառեր գողանալը, հաղորդել է ՏԱՍՍ-ը:
We are investigating a phishing email that appears as Google Docs. We encourage you to not click through & report as phishing within Gmail.
— Google Docs (@googledocs) May 3, 2017
