Կիոկուշին կարատեիստները պատրաստվում են Եվրոպայի աշխարհի առաջնություններին
Հայաստանի Կիոկուշին կարատեի ֆեդերացիան hունվարի 31-ից փետրվարի 12-ը ֆեդերացիայի նախագահ Անդրանիկ Հակոբյանի գլխավորությամբ Ծաղկաձորում անցկացնում է արդեն ավանդական դարձած ձմեռային ուսումնամարզական հավաք: Միջոցառումը անցկացվում 2 փուլով՝ մեծահասակների և պատանիների համար:
Ինչպես տեղեկացրին ֆեդերացիայից՝ փորձառու մարզիչների ղեկավարությամբ՝ մարզիկները կրկին ու կրկին ամրապնդում են իրենց կամքը, հմտությունները: Մարզիչներն էլ իրենց հերթին ջանք չեն խնայում՝ երիտասարդ սերնդին փոխանցելու իրենց գիտելիքները: Ուսումնամարզական հավաքի ընթացքում նրանք նախապատրաստում են նաև այն մարզիկներին, որոնք կմասնակցեն մարտի 18-ին Գերմանիայի մայրաքաղաք Բեռլինում կայանալիք Եվրոպայի առաջնությանը, ինչպես նաև Եվրոպայի գավաթի և աշխարհի առաջնություններին: