10 օրում մազերը վերականգնելու 4 բնական միջոց
Եթե ձեզ անհանգստացնում է հաճախակի մազաթափությունը, ապա օգտվեք ժողովրդական դեղատոմսերից: healthylivingstyle.net-ը ներկայացրել է 4 ամենատարածված միջոցները, որոնք կօգնեն վերականգնել մազերի աճը:
1. Մեդիտացիա
Մեդիտացիան սթրեսը հանգստացնող մեթոդ է, որը վերականգնում և խթանում է մազերի աճը: Մեդիտացիան նաև լավացնում է ընդհանուր առողջությունը: Մի կողմ դրեք հեռախոսը, ուղիղ նստեք, խաչեք ոտքերը, փակեք աչքերն ու կենտրոնացեք շնչառության վրա: Շնչեք և արտաշնչեք, թույլ տվեք՝ մտքերը գան և գնան: Պարզապես հանգստացեք և շնչեք:
2. Մթերքներ, որոնք անհրաժեշտ է ուտել
Կարգավորեք ձեր սննդակարգը: Փորձեք վիտամիններով, պրոտեիններով, երկաթով և Օմեգա-3-ով հարուստ մթերքներ օգտագործել: Օրինակ՝
- Օրական 2-4 անգամ մրգեր կերեք
- 10 անգամ բանջարեղեն կերեք
- Ընկուզեղեն, ձու, ձուկ, սերմեր և ավոկադո
3. Մերսում
Դանդաղ մերսեք գլխամաշկը՝ մազերի աճը խթանելու համար: Սա կլավացնի արյան շրջանառությունը և կօգնի դուրս բերել տոքսինները: Վերջապես, մերսումն ավարտեք՝ մատները մազերի միջով անցկացնելով: Կարող եք մերսումը կատարել եթերային յուղերի միջոցով:
4. Տնական բաղադրատոմս
Փորձեք հետևյալ բաղադրատոմսը, որի հիմնական բաղադրիչներն են քաղցրարմատը, կռատուկն ու խատուտիկը: Այս բոլոր խոտաբույսերի համադրությունը խթանում է մազերի աճը:
Բաղադրություն
- 100մլ ջուր
- Քաղցրարմատ
- Կռատուկ
- Խատուտիկ
Քաղցրարմատը մանրացրեք հատուկ տարայի մեջ, վրան կիսով չափ ջուր լցրեք: Կռատուկն ու խատուտիկը տրորեք կամ բլենդերով հարեք՝ մինչև խյուսանման զանգված ստանաք: Ամբողջը խառնեք իրար և տարածեք գլխամաշկին: Թողեք մնա 24 ժամ, ապա լվացեք, զանգվածը ցեմենտի պես կկպչի գլխամաշկին:
Նյութը հրապարակման պատրաստեց Լիլիթ Հարությունյանը
