Ստորության 30 օրենքները (законы подлости)

Կյանքի ամենահետաքրքիր ծաղրական օրինաչափությունների և ստորության օրենքների ցուցակը:

1. Եթե ինչ-որ տհաճություն կարող է պատահել, ապա այն պատահում է:

2. Հարևան հերթը միշտ ավելի արագ է ընթանում:

3. Բոլոր մեծ հայտնագործությունները սխալմամբ են կատարվում:

4. Ով կարող է, անում է: Ով չի կարող, սովորեցնում է: Ուսանողներն ավելացել են. ով չի կարող սովորեցնել, սովորեցնում է` ինչպես սովորեցնել:

5. Յուրաքանչյուր հրաման, որը կարող է սխալ հասկացվել, սխալ է հասկացվում:

6. Եթե ուրիշ ոչինչ չի օգնում, կարդացեք, վերջապես, հրահանգը:

7. Որոնումներ սկսել անհրաժեշտ է ամենաանհամապատասխան վայրից:

8. Ժամանակը երբեք չի բավականացնում, որպեսզի աշխատանքը կատարվի՝ ինչպես հարկն է, բայց այն բանի համար, որպեսզի այն ձևափոխվի, ժամանակ գտնվում է:

9. Բարդ խնդրի լուծումը հանձնարարեք ծույլ աշխատակցի. նա կգտնի առավել հեշտ ճանապարհը:

10. Նրանք, ովքեր սիրում են երշիկ և հարգում են օրենքը, կարիք չկա, որ տեսնեն, թե ինչպես են պատրաստվում թե՛ մեկը, թե՛ մյուսը:

11. Աշխատանքը թիմում շատ կարևոր է: Այն թույլ է տալիս մեղքը գցել ուրիշի վրա:

12. Աշխատանքի առաջին 90 տոկոսը խլում է ժամանակի 10 տոկոսը, իսկ վերջին 10 տոկոսը` ժամանակի մնացած 90 տոկոսը:

13. Երբ էլ Դուք կտրեք Ձեր եղունգները, դրանք 1 ժամ հետո պետք են գալու:

14. Մարդիկ համաձայն են կատարել յուրաքանչյուր բարդության աշխատանք, երբ դրա անհրաժեշտությունն արդեն չկա:

15. Երբ անհրաժեշտություն է առաջանում թխկթխկացնել փայտին, հայտնաբերում ես, որ աշխարհը կազմված է ալյումինից և պլաստիկից:

16. Յուրաքանչյուր գործողություն ունի իրեն հավասար հակազդող քննադատություն:

17. Փորձագետը յուրաքանչյուր մարդն է` ոչ մեր քաղաքից:

18. Փորձն աճում է ուղիղ համեմատական` շարքից դուրս եկած սարքավորումին:

19. Երբեք չի հաջողվում ինչ-որ մի բան անել:

20. Մարդ, ով ունի 1 ժամացույց, հաստատ գիտի, թե ժամը քանիսն է: Մարդ, ով ունի մի քանի ժամացույց, ոչ մի բանում վստահ չէ:

21. Այն, ինչ Դուք պահում եք երկար ժամանակ, կարելի է գցել: Հենց Դուք ինչ-որ բան գցում եք, այն Ձեզ պետք է գալիս:

22. Ձեզ միշտ չի բավարարի կա՛մ ժամանակը, կա՛մ փողը:

23. Չի կարելի նախօրոք որոշել, թե բուտերբրոդի որ կողմին պետք է քսել կարագը:

24. Տաք փորձանոթը նույն տեսքն ունի, ինչ սառը փորձանոթը:

25. Առավել բարոյական են սովորաբար նրանք, ովքեր ամենից հեռու են խնդիրների լուծումից:

26. Տնտեսագետների մեջ իրական աշխարհը հաճախ համարվում է մասնավոր դեպք:

27. Գիտակցական պատճառներով ոչինչ չի արվում:

28. Ով ամենաքիչն է վճարում, նա ամենաշատն է գանգատվում:

29. Ինչ էլ Ձեզ հետ պատահի, դա արդեն պատահել է Ձեր ծանոթներից ինչ-որ մեկի հետ, բայց ավելի վատ է եղել:

30. Կորածը միշտ գտնում ես վերջին գրպանում:

Պատրաստեց Անի Գաբուզյանը