Նեթանյահուն հրաժարվել է սիրիացի փախստականներին ապաստան տրամադրել Իսրայելում
Իսրայելի վարչապետ Բենիամին Նեթանյահուն հրաժարվել է երկիր թողնել սիրացի փախստականներին, ինչը ընդդիմադիր կուսակցությունների պահանջն էր, հայտնում է The New York Times-ը:
«Իսրայելը շատ փոքրիկ երկիր է՝ ոչ մեծ աշխարհագրական ու ժողովրդագրական խորքով»,- ասել է Նեթանյահուն:
Նա նաև հաստատել է, որ Հորդանանի հետ սահմանին պատի կառուցման շինարարական աշխատանքները շարունակվելու են: Պատի կառուցումը անհրաժեշտ է անօրինական ներգաղթյալներից պաշտպանվելու նպատակով:
Ավելի վաղ ձախկենտրոնամետ «Ավոդա» կուսակցության ղեկավար Իցխակ Հերցոգը հայտարարել էր, թե հրեաները չեն կարող անտարբեր մնալ, երբ հարյուր հազարավոր ներգաղթյալներ «խաղաղ հանգրվան» են որոնում:
«Մեկ անգամ մեր մարդիկ անձամբ բախվեցին համաշխարհային հանրության լռությանը»,- ասել է Հերցոգը՝ նկատի ունենալով Հոլոքոստը:
