Խիդաշելին շնորհակալություն է հայտնել Չավուշօղլուին` ՆԱՏՕ-ի ընդլայնմանն աջակցելու համար
Грузия Online-ի փոխանցմամբ` Վրաստանի պաշտպանության նախարար Թինա Խիդաշելին շնորհակալություն է հայտնել Թուրքիայի արտգործնախարար Մևլյութ Չավուշօղլուին` ՆԱՏՕ-ի ընդլայնմանն աջակցելու համար:
Խիդաշելիի խոսքերով` ՆԱՏՕ-ի անդամ երկրների կողմից այդօրինակ նախաձեռնություններ ցուցաբերելը բոլորին ներշնչում է լավատեսություն. «Ցանկանում են խորին շնորհակալություն հայտնել Թուրքիայի արտգործնախարարին:
Նա իմ գործընկերն էր Ստրասբուրգում` Խորհրդարական վեհաժողովում, և ես հատուկ շնորհակալ եմ նրան` այդ հայտարարության համար: Բավական կարևոր են ՆԱՏՕ-ի անդամների, մեր գործընկերների կողմից այդօրինակ նախաձեռնություններ ցուցաբերելը:
Բնականաբար, դրանք մեզ տալիս են լավատեսության հիմք: Հետևաբար մենք աշխատում ենք, մենք շատ ժամանակ ունենք: Մինչև հաջորդ գագաթաժողովի անցկացումը կա գրեթե մեկուկես տարի, ինչի համար էլ սպասում ենք իրադարձությունների դինամիկ զարգացմանը: Անթալիայում նման սկիզբը բնականաբար կարևոր է մեզ համար»:
