Անթալիայում ՆԱՏՕ-ի երկրների արտգործնախարարների գագաթաժողովն ավարտվել է We Are The World երգի կատարմամբ. FT
Բրիտանական Financial Times թերթի փոխանցմամբ` Անթալիայում ՆԱՏՕ-ի երկրների արտգործնախարարների գագաթաժողովն ավարտվել է մաժորիտար նոտայով: ՆԱՏՕ-ի անդամ երկրների արտգործնախարարները համատեղ դուրս են եկել բեմ և երգել են We Are The World երգը:
Մասնավորապես, այդ երգը կատարել են ՆԱՏՕ-ի գլխավոր քարտուղար Յենս Սթոլթենբերգը, Թուրքիայի արտգործնախարար Մևլյութ Չավուշօղլուն, Հունաստանի արտգործնախարար Նիկոս Կոտցիասը, Դանիայի արտգործնախարար Մարտին Լիդերգարդը, ԵՄ-ի դիվանագիտության ղեկավար Ֆեդերիկա Մողերինին:
Բացի այդ, բեմի անկյունում պարել է Եվրոպայում ՆԱՏՕ-ի ուժերի գլխավոր հրամանատար Ֆիլիպ Բրիդլավը:
