ԱՄՆ-ում Մուհամմեդ մարգարեի ծաղրանկարների ցուցահանդեսի մոտ կրակոցներ են հնչել
NBC News-ի փոխանցմամբ՝ ԱՄՆ Թեքսաս նահանգի Հարլենդ քաղաքում կազմակերպված Մուհամմեդ մարգարեի ծաղրանկարների ցուցահանդեսի մոտ փոխհրաձգություն է գրանցվել: Կրակ բացած երկու տղամարդիկ սպանվել են, անվտանգության ծառայության աշխատակիցներից մեկը վիրավորվել է:
Միջադեպը գրանցվել է մայիսի 3-ին, ժամը 19.00-ին: Ականատեսները հայտնել են, որ երբ իրենք պատրաստվել են հեռանալ ցուցահանդեսի վայրից, հնչել են կրակոցներ, ինչից հետո դեպքի վայրում գործնականում անմիջապես հայտնվել են տասնյակ ոստիկաններ, որոնք էլ այցելուներին խորհուրդ են տվել մնալ իրենց տեղում:
Դրանից հետո վերստին կրակոցներ են հնչել ավտոկայանատեղիում և ոստիկաններին հաջողվել է վնասազերծել հարձակում գործածներին: Ցուցահանդեսի շենքից տարհանվել է մոտ 75 այցելու: Դպրոցական երկու ավտոբուսով նրանց հեռացրել են անվտանգ վայր:
