Ռուսաստանը հումանիտար օգնության նոր շարասյուն է ուղարկում Դոնբաս
Ռուսական РИА Новости լրատվական գործակալության փոխանցմամբ՝ այսօր մերձմոսկովյան Նոգինսկից Ռոստովի մարզի ուղղությամբ է շարժվել Դոնբասի համար հումանիտար օգնություն փոխադրող նոր ավտոշարասյունը: Այս մասին հայտարարել է ՌԴ ԱԻՆ-ի ներկայացուցիչ Օլոգ Վոռոնովը:
Նրա խոսքերով՝ հումանիտար շարասյունը բաղկացած է մոտ 60 բեռնատարից, որոնք Դոնբասի բնակիչներին կհասցնեն տանիքածածկման նյութեր, ապակի, սննդամթերք: Ընդգծվում է, որ շարասյունն օրեր անց կհասնի Ռոստովի մարզ, ուր և կձևավորվի ընդհանուր շարասյունը և հումանիտար օգնությունը կհասցվի Դոնբասի բնակիչներին:
Ավելի վաղ հաղորդվել էր, թե ՌԴ ԱԻՆ-ը պլանավորում է Ուկրաինայի հարավ-արևելքի բնակիչների համար հումանիտար նոր շարասյուն ուղարկել նոյեմբերի 30-ին:
