Լավրովը հեռախոսազրույց է ունեցել իր ուկրաինացի նոր գործընկերոջ հետ
Ռուսական РИА Новости լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովն այսօր հեռախոսազրույց է ունեցել իր ուկրաինացի նոր գործընկեր Պավել Կլիմկինի հետ և քննարկել է փոխգործակցության հեռանկարներն ու Ուկրաինայում տիրող իրավիճակը:
Այս մասին նշված է ՌԴ ԱԳՆ-ի տարածած հայտարարությունում, ըստ որի՝ Լավրովի ու Կլիմկինի հեռախոսազրույցը հաջորդել է երկու երկրների նախագահներ Վլադիմիր Պուտինի ու Պյոտր Պորոշենկոյի հեռախոսազրույցին (19.06.2014):
Հեռախոսազրույցի ժամանակ Լավրովը հույս է հայտնել, որ Կլիմկինն Ուկրաինայի արտգործնախարարի պաշտոնում կնպաստի Ռուսաստանի ու Ուկրաինայի արտգործնախարարությունների կառուցողական փոխգործակցությանը:
Կողմերը քննարկել են նաև Ուկրաինայում տիրող իրավիճակի կարգավորումը ապրիլի 17-ի Ժնևյան հայտարարության համատեքստում: Լավրովը կարևորել է Ուկրաինայում հակամարտության շուտափույթ ապաէսկալացումը, լարվածության թուլացումը, նրա բոլոր քաղաքացիների անվտանգության ապահովուոմը, համազգային լայն երկխոսության մեկնարկը:
