Պորոշենկոն Դևիդ Քեմերոնի հետ կհադիպի հունիսի 6-ին
Ռուսական РИА Новости լրատվական գործակալության փոխանցմամբ՝ հունիսի 6-ին Ֆրանսիայում նշելու են Նորմանդիայում դաշնակիցների ափհանման 70-ամյակը: Դրա հետ կապված՝ կազմակերպվելիք միջոցառումների շրջանակներում երկկողմ հանդիպում են ունենալու Մեծ Բրիտանիայի վարչապետ Դևիդ Քեմերոնն ու Ուկրաինայի նորընտիր նախագահ Պյոտր Պորոշենկոն:
Սրանից առաջ Ֆրանսիայի նախագահ Ֆրանսուա Օլանդը Պորոշենկոյին հրավիրել էր Երկրորդ համաշխարհային պատերազմի ժամանակ Երկրորդ ճակատի բացման 70-ամյակին:
Պորոշենկոն մտադիր է հանդիպել նաև ԱՄՆ նախագահ Բարաք Օբամայի հետ, ով նույնպես հրավիրվածների թվում է: Պորոշենկոյի երդմնակալությունը տեղի է ունենալու հունիսի 7-ին:
