Դավիթ Հարությունյան. Մի քանի «փայլուն ուղեղով հանճարներ» մտածում են, թե ուրիշ ինչ եղանակներով մտնեն ժողովրդի գրպանը
«Մայիսի 25-ին, ժամը 14:00-ին, տեղի է ունենալու ավտոերթ, որն ուղղված է լինելու կարմիր գծերի, տեսախցիկների և արագաչափերի դեմ:
«Լիբերալ Ժողովրդական» կուսակցությունը նույնպես ունենալու է իր մասնակցությունը այդ բողոքի ակցիային, քանի որ այդ թալանի մեխանիզմը, որն ուղղված է մեր դեմ, ձեռնտու է միայն մի քանի հոգու, իսկ մենք հարստացնում ենք նրանց: Բավական չէ, որ երկիրը հասել է կործանման եզրին, բոլորը թողնում և հեռանում են, օրեցօր ամեն ինչ թանկանում է, մի քանի «փայլուն ուղեղով հանճարներ» մտածում են, թե ուրիշ ինչ եղանակներով մտնեն ժողովրդի գրպանը: Կարծում եմ, որ յուրաքանչյուրս դեմ ենք այդ սարքերին և կարմիր գծերին, և Կառավարությունը պետք է լուրջ մտածի այս խնդիրը կարգավորելու համար, քանի որ օրեցօր երկրում սոցիալ-տնտեսական ծանր իրավիճակն ավելի է բարդանում, իսկ նմանատիպ աշխատելաոճով երկիրը լիովին կկործանվի:
«Լիբերալ Ժողովրդական» կուսակցության նախագահ Դավիթ Հարությունյան
