Ադրբեջանում խստացվում են պետական գաղտնիքի պաշտպանության կանոնները
Ադրբեջանական APA լրատվական գործակալության փոխանցմամբ՝ Ադրբեջանում խստացվում են պետական գաղտնիքի պաշտպանության ու հատուկ կարևորության տեղեկատվության մատչելիության պայմաններն ու կանոնները:
Մասնավորապես, փոփոխման են ենթարկվելու «Պետական գաղտնիքի մասին» օրենքի 21.5 և 23 հոդվածները: Դրանցից առաջինում հավելվելու է մեկ կետ, իսկ երկրորդն ամբողջովին փոփոխվելու է և ներկայացվելու է նորովի: Ադրբեջանի խորհրդարանն այդ ուղղումները կդիտարկի մայիսի 30-ի լիագումար նիստում:
