ԵԱՀԿ գլխավոր քարտուղարը երկօրյա այցով ժամանել է Կիև
Ուկրաինական UNIAN լրատվական գործակալության փոխանցմամբ՝ երկօրյա այցով Կիև է ժամանել ԵԱՀԿ գլխավոր քարտուղար Լամբերտո Զանիերը: Նրա հետ հանդիպել է Ուկրաինայի արտգործնախարարի պաշտոնակատար Անդրեյ Դեշչիցան:
Հանդիպման ժամանակ կողմերը քննարկել են ԵԱՀԿ գործող նախագահ, Շվեյցարիայի արտգործնախարար ու նախագահ Դիդիե Բուրկհալտերի մոսկովյան այցի (մայիսի 7) արդյունքները:
Բացի այդ, քննարկվել են ուկրաինական ճգնաժամի կարգավորման վերաբերյալ «ճանապարհային քարտեզը» և Ուկրաինայում ԵԱՀԿ-ի հատուկ մոնիթորինգային առաքելության գործունեության ընդլայնումը:
