Կառավարությունը չի բավարարել քառյակին
Քիչ առաջ ԱԺ «Ժառանգություն» խմբակցության աշխատասենյակում ավարտվեց խորհրդարանի ոչ իշխանական չորս ուժերի հերթական հանդիպումը:
Դրա ընթացքում քննարկվել է «Կուտակային կենսաթոշակների մասին» օրենքում փոփոխություններ կատարելու հարցը:
Նիստի ավարտից հետո ԱԺ «Ժառանգություն» խմբակցության ղեկավար Ռուբիկ Հակոբյանը հայտարարեց, որ քառյակը բավարարված չէ կառավարության կողմից օրենքում փոփոխություններ կատարելու վերաբերյալ առաջարկներից և հիմա իրենք են պատրաստվում առաջարկությունների փաթեթ ներկայացնել կառավարությանը:
Ըստ Հակոբյանի, եթե իրենց ներկայացրած առաջարկությունները չընդունվեն, ապա արտահերթ նիստ հրավիրելու քառյակի որոշումը կմնա ուժի մեջ:
