ԱՄՆ-ը շուտով կարող է պատժամիջոցներ սահմանել ՌԴ-ի տնտեսության մի շարք ոլորտների նկատմամբ. Քերի
Ամերիկյան Wall Street Journal պարբերականին տված հարցազրույցի ժամանակ ԱՄՆ պետքարտուղար Ջոն Քերին հայտարարել է, որ ԱՄՆ-ը շուտով կարող է պատժամիջոցներ սահմանել Ռուսաստանի տնտեսության մի շարք ոլորտների նկատմամբ՝ կապված Ուկրաինայում տիրող իրավիճակի հետ.
«Ներկայումս մենք չափազանց մոտ ենք դրան (պատժամիջոցներին): Մենք շարժվում ենք հենց դրա ուղղությամբ, եթե նրանք (ռուսական իշխանությունները) շարունակեն ընթանալ նոր ուղով»:
ԱՄՆ-ը երեկ հավելյալ պատժամիջոցներ է սահմանել Ռուսաստանի նկատմամբ, որոնք առնչվել են 7 մարդու և 17 ընկերության:
