Պուտինը փոխառում է ԿՀՎ-ի մեթոդները. The Washington Post
Ամերիկյան The Washington Post թերթի փոխանցմամբ՝ Ղրիմում և Ուկրաինայի արևելքում Ռուսաստանի նախագահ Վլադիմիր Պուտինի կիրառած գործիքները մեծապես նման են ռազմականացված միավորումների «գաղտնի գործողություններին», քան՝ սովորական զինված ուժերի գործողություններին:
Հնարավոր է՝ Պուտինը փոխառում է Ռոնալդ Ռեյգանի նախագահության ժամանակ ԱՄՆ-ի կիրառած մեթոդները: Ռեյգանը Մոսկվայի հետ ճակատային բախման գնալու փոխարեն շոշափեց թևերը: Ռեյգանն աջակցեց այն շարժումներին, որոնք վերջ էին դնում Ռուսաստանի ազդեցությանն Աֆղանստանում, Նիկարագուայում, Անգոլայում և վերջին հաշվով Լեհաստանում ու Արևելյան Եվրոպայում:
Ամերիկան օգտագործում էր տեղական բնակչության վիրավորանքները, իսկ այժմ նույն բանն անում է Ռուսաստանը: Ղրիմում Պուտինն ի սկզբանե սկսել է իրականացնել ամերիկյան հատուկ ծառայությունների լեզվով ասած «սև գործողություն». ռուս զինվորականները եղել են առանց տարբերակիչ հանդերձանքի, իսկ Մոսկվան վստահեցրել է, որ ընդհանրապես չի զավթել թերակղզին:
Արևելյան Ուկրաինայում, քանի դեռ աշխարհը զբաղված է եղել ռուսական զորավարժություններով, սահմանից այն կողմ իրականացվել է խոշոր քաղաքների գաղտնի անկայունացում: Դա հիշեցնում է 1980-ական թվականներին Լեհաստանում ԱՄՆ-ի համագործակցությունը «Համերաշխության» հետ:
ԿՀՎ-ի գլխավոր դաշնակիցը կաթոլիկ եկեղեցին էր, այնպես որ գործակալությունը հարկադրված է եղել շրջանցել կանոնները՝ կրոնական կազմակերպությունների հետ համագործակցելու վրա դրված արգելքները:
Հետևելով խորհրդային կայսրության փլուզմանը՝ Պուտինը եզրակացրել է, որ ամենահզոր զենքը աննկատ և անվանական օրինական զենքն է: ԽՍՀՄ-ի միջուկային հզորությունն անօգտակար է գտնվել Լեհաստանի գործադուլավորների և Աֆղանստանի մոջահեդների նկատմամբ:
Ինչպե՞ս պետք է ԱՄՆ-ն ու Արևմուտքը պատասխանեն Պուտինի մարտավարությանը: Գործն ուկրաինացիներինն է: Կիևի առջև բարդ առաջադրանք է դրված. ձեռնարկել ոչ բռնի մեթոդներով հակագործակալական գործողություն և բնակչությանը պահել իր կողմում:
