Ֆիլիպ Կիրկորովի դեմ դատական հայց է ներկայացվել
Տոմսերի վաճառքով զբաղվող ընկերությունը երգիչ Ֆիլիպ Կիրկորովից պահանջում է ավելի քան 7,6 միլիոն ռուբլի: Այս մասին «Московский комсомолец»-ը տեղեկացել է Մոսկվայի արբիտրաժային դատարանի փաստաթղթերի ուսումնասիրությունից:
«Այս անգամ նրա դեմ հայցեր են ներկայացրել համերգի կազմակերպիչները»,- նշվում է հոդվածում։
Գործով հայցվորը «Культурная служба» ՍՊԸ-ն է։ Հրապարակային տեղեկատվության համաձայն՝ ընկերությունը կազմակերպում է համերգներ և վաճառում տոմսեր։ Լրագրողները ենթադրում են, որ գործը վերաբերում է պարտքին, քանի որ կատարողները պարտավոր են համերգի տոմսերի վաճառքից ստացված եկամտի մի մասը վերադարձնել կազմակերպիչներին։
Ընկերությունը Կիրկորովից պահանջում է 7,687,073 ռուբլի։ Գործի լսման օրը դեռևս նշանակված չէ։
