«Դեմ եմ» ակցիայի ժամանակ ՀՀԿ լոգոյի վրա պատկերված ՀՀ երեք նախագահների նկարներով պաստառները թափված էին գետնին (լուսանկարներ)
Ինչպես արդեն տեղեկացրել ենք՝ «Դեմ եմ»-ը այս պահին բողոքի ակցիա է իրականացնում ՀՀ Ֆինանսների նախարարության մոտ՝ պահանջելով փոփոխություններ կատարել էլեկտրոնային հաշվետվությունների ձևում և հնարավորություն տալ գործատուներին աշխատակիցների կամքին հակառակ պարտադիր կուտակային վճարներ չկատարել:
Ակցիայի մասնակիցները այս պահին հավաքվել են ՀՀ Ֆինանսների նախարարության մոտ և պահանջում են, որպեսզի 10 րոպեի ընթացքում նախարարության աշխատակիցներից մեկն իջնի իրենց հետ հանդիպման և պատասխանի իրենց հարցերին: Հակառակ դեպքում նրանք սպառնում են մտնել նախարարության շենք և կաբինետներում իրենց հարցերն ուղղել նախարարության աշխատակիցներին:
Նախարարության մուտքի մոտ ոստիկանները պատ են կազմել, որպեսզի ակցիայի մասնակիցները չկարողանան մուտք գործել նախարարություն:
Ի դեպ, ակցիայի ժամանակ ՀՀԿ լոգոյի վրա պատկերված ՀՀ երեք նախագահների՝ Սերժ Սարգսյանի, Ռոբերտ Քոչարյանի և Լևոն Տեր-Պետրոսյանի նկարներով պաստառներ կային գետնին թափված:
Լուսանկարները՝ 168.am-ի
