ՌԴ-ն պատրաստ է Ուկրաինայի հարցով խաղաղ կարգավորման նոր գաղափարներ լսել. Ռյաբկով
Ռուսաստանը պատրաստ է լսել Ուկրաինայի հակամարտության կարգավորմանն ուղղված նոր առաջարկները, այսօր հայտարարել է Ռուսաստանի բարձրաստիճան դիվանագետը՝ ընդգծելով, սակայն, որ ցանկացած առաջարկ պետք է համապատասխանի նախագահ Պուտինի կողմից սահմանված նպատակներին և արտացոլի «տեղում առկա իրականությունը»։
Ռուսաստանի արտաքին գործերի փոխնախարար Սերգեյ Ռյաբկովը News.ru լրատվամիջոցին տված հարցազրույցում ասել է, որ Միացյալ Նահանգները պատրաստակամություն է ցուցաբերել «կառուցողական երկխոսության» և «Ռուսաստանի դիրքորոշումը հասկանալու» հարցում։
«Այս փուլում ավելի կարևոր է այն, թե որքանով է Վաշինգտոնն ի վիճակի ազդել Կիևի ռեժիմի և նրա եվրոպական հովանավորների որոշումների վրա, որոնք դեռ երազում են Ռուսաստանի «ռազմավարական պարտության» մասին», – լրատվամիջոցին ասել է Ռուսաստանի փոխարտգործնախարարը:
