Գլխավոր դատախազը՝ կադրային փոփոխությունների մասին (տեսանյութ)
«Կադրերը ոչ մեկի չեն պատկանում՝ ո´չ Աղվան Հովսեփյանին, ո´չ էլ այսօրվա նշանակված կադրերն ինձ են պատկանում: Դրանք դատախազության համակարգի ծառայողներ են և իրենց ծառայությունը շարունակելու են՝ անկախ ով կլինի գլխավոր դատախազ»,- այսօր լրագրողների հետ ճեպազրույցում հայտարարեց ՀՀ գլխավոր դատախազ Գևորգ Կոստանյանը՝ մեկնաբանելով համակարգում տեղի ունեցող կադրային փոփոխությունները:
Ըստ նրա՝ արդարադատությունը որոշակի փաստերի համակցություն է, որի արդյունքում է հանգեցնում այն ակնկալիքին, որ հասարակությունն ուզում է: Գ.Կոստանյանը վստահեցրեց, թե չի կարող լինել անարդար որոշում, այլ հարց է, որ որևէ կողմը դժգոհություն ունի որոշումից:
