Ողբերգական ավտովթար Մխչյան գյուղում. կա 1 զոհ 3 վիրավոր (տեսանյութ). shamshyan.com
shamshyan.com-ի փոխանցմամբ` ոստիկանության քննչական գլխավոր վարչության Արարատի մարզի քննչական բաժնում հարուցվել է քրեական գործ ՀՀ քր-օրի 242 հոդվածի հատկանիշներով:
Նշված քրեական գործը հարուցվել է, երեկ հունվարի 30-ին, ժամը 10:30-ի սահմաններում Երևան- Արտաշատ գյուղամիջյան ավտոճանապարհի 16-րդ կմ հատվածում, Մխչյան գյուղի վարչական տարածքում տեղի ունեցած ավտովթարի փաստով:
Բախվել են Արարատի մարզի, Մրգավան գյուղի բնակիչ 36-ամյա Արթուր Խաչատրյանի վարած Վազ 2106 մակնիշի 32 LO 425 համարանիշի և Արտաշատ քաղաքի Իսակովի փողոցի բնակիչ 24-ամյա Միսակ Սայադյանի վարած Գազ 24 մակնիշի 37 OL 206 համարանիշի ավտոմեքենաները: Վթարի հետևանքով 24-ամյա վարորդ Մ. Սայադյանը, և նրա ուղևորներ Արտաշատ քաղաքի Իսակովի փողոցի բնակիչ 23-ամյա Սարգիս Սարգսյանը, Արարատի մարզի Այգեվան գյուղի բնակիչ 25-ամյա Լևոն Ազիզյանը և Վազ 21 06-ի վարորդ Ա. Խաչատրյանը մարմնական վնասվածքներով տեղափոխվել են Արտաշատի բժշկական կենտրոն, որտեղ Լ. Ազիզյանը վերակենդանացման բաժանմունքում գիտակցության չգալով մահացել է: Գ. Շամշյանի տեղեկություններով Մ. Սայադյանը, Ս. Սարգսյանը և Լ. Ազիզյանը ծառայում են ոստիկանության զորքերում:
Մանրամասները այստեղ`
