Թուրքիան կշարունակի ամրապնդել Ուկրաինայի հետ ռազմավարական գործընկերությունը
Թուրքիայի արտգործնախարար Հաքան Ֆիդանը Կիև կատարած պաշտոնական այցիցի հետո հայտնել է, որ այցը չափազանց արդյունավետ է եղել։ Նա նշել է, որ հանդիպել է Ուկրաինայի նախագահ Վոլոդիմիր Զելենսկու, արտգործնախարար Անդրեյ Սիբիհայի ու նախագահի աշխատակազմի ղեկավար Կիրիլո Բուդանովի հետ։ Այս մասին տեղեկացնում է ermenihaber.am-ը։
Ֆիդանը նշել է, որ հանդիպումների ընթացքում քննարկվել են երկկողմ հարաբերությունները, ռուս-ուկրաինական պատերազմը և տարածաշրջանային զարգացումները։ Ըստ նրա՝ չնայած պատերազմական վիճակին երկու երկրների համագործակցությունն ավելի է խորանում, ինչի կապակցությամբ կողմերը ուրախ են։
Ֆիդանը նաև հայտնել է, որ մինչ իր այցը Ուկրաինայի խորհրդարանը վավերացրել է Ազատ առևտրի համաձայնագիրը, ինչը տնտեսական համագործակցության տեսանկյունից կարևոր զարգացում է։ Ըստ նրա՝ դա գործարարներ աշխարհի համար նոր հնարավորություններ կստեղծի ու տնտեսական համագործակցությունն ավելի բարձր մակարդակի կհասնի։
Խոսելով ռուս-ուկրաիանական հակամարտության մասին՝ Ֆիդանը նշել է, որ Թուրքիան աջակցում է Ուկրաինայի անկախությանը, ինքնիշխանությանը և տարածքային ամբողջականությանը։
«Որպես Թուրքիա՝ մենք պատրաստ ենք աջակցել ցանկացած նախաձեռնության, որը կողմերին կվերադարձնի բանակցությունների սեղանի շուրջ և կնպաստի երկարատև խաղաղությանը»։
Թուրքիայի արտգործնախարարը նաև ընդգծել է, որ Թուրքիան կշարունակի ամրապնդել Ուկրաինայի հետ երկարատև բարեկամությունն ու ռազմավարական գործընկերությունը՝ հիմնված փոխադարձ վստահության և ընդհանուր շահերի վրա՝ համաձայն նրանց նախագահների կողմից սահմանված տեսլականի։
