Արևմուտքը ԱՊՀ-ում տրամադրությունների վրա ազդելու գործիքներ է ներդնում. ԱԴԾ տնօրեն
Արևմտյան հետախուզությունը «գունավոր հեղափոխության» սցենարներ իրականացնելու նպատակով ԱՊՀ-ի ներսում հասարակական տրամադրությունների և վարքագծի վրա ազդելու համար գործիքներ է ներդնում։ Այս մասին հայտարարել է ԱԴԾ տնօրեն Ալեքսանդր Բորտնիկովը ԱՊՀ երկրների անվտանգության մարմինների և հատուկ ծառայությունների ղեկավարների խորհրդի 58-րդ նիստում։
«Փաստորեն, խոսքը այս կամ այն երկրի առանձնահատկությունները հաշվի առնելով ԱՊՀ-ում քաղաքացիների տրամադրության և վարքագծի վրա մանիպուլյացիոն ձևով ազդելու գործիքներ ներդնելու մասին է։ Դա արվում է, այդ թվում նաև, «գունավոր հեղափոխության» ադապտիվ սցենարներ իրականացնելու նպատակով», – ասել է Բորտնիկովը։
Բորտնիկովի խոսքով` արևմտյան հետախուզական համայնքն է կանգնած ԱՊՀ-ում «թվային» լաբորատորիաների ցանց ստեղծելու ծրագրերի հետևում։ Լաբորատորիաների խնդիրը արհեստական բանականության տեխնոլոգիաների օգնությամբ՝ բնակչության վարքագծի բնորոշ պրոֆիլների հավաքագրումն ու ուսումնասիրությունն է, հասարակության մեջ «լարված կետերի» բացահայտումը, ինչպես նաև տարբեր արտաքին գործոնների, այդ թվում՝ իշխանության գործողությունների նկատմամբ սոցիալական արձագանքների մոդելավորումը։
