Իսպանիայի ԱԳՆ-ը պատասխանել է Ադրբեջանի նոտային՝ կապված Մոնսերատ Կաբալիեի կողմից ԼՂՀ այցելելու հետ
Ադրբեջանական APA լրատվական գործակալության փոխանցմամբ՝ Իսպանիայի ԱԳՆ-ը պատասխանել է Ադրբեջանի նոտային՝ կապված իսպանացի օպերային երգչուհի Մոնսերատ Կաբալիեի կողմից ԼՂՀ կատարած այցի հետ:
Իսպանիայի ԱԳՆ-ի պատասխանում նշված է, որ նմանատիպ այցերն իրականացվում են մասնավոր նախաձեռնությամբ և չեն փոխում տվյալ հարցում Իսպանիայի պաշտոնական դիրքորոշումը: Նամակում ընդգծվում է, որ Իսպանիան աջակցում է Ղարաբաղյան հակամարտության խաղաղ կարգավորման ուղղությամբ տարվող միջազգային ջանքերին:
Նշվում է, որ Ադրբեջանը Իսպանիային բողոքի նոտա էր հղել հունիսի 5-ին: Բացի այդ, Ադրբեջանը իսպանացի հանրահայտ երգչուհուն հռչակել էր անցանկալի անձ:
