Կրեմլը ողջունում է Թրամփի մտադրությունը՝ կենտրոնանալ ուկրաինական hակամարտության վրա՝ Գազայի հատվածում կարգավորումից հետո
Կրեմլը ողջունում է Թրամփի մտադրությունը՝ կենտրոնանալ ուկրաինական պատերազմի վրա՝ Գազայի հատվածում կարգավորումից հետո, հայտարարել է ՌԴ նախագահի մամուլի խոսնակ Դմիտրի Պեսկովը։
«Մենք ողջունում ենք նման մտադրությունները։ Մենք ողջունում ենք քաղաքական կամքի պահպանումը՝ խաղաղ կարգավորման որոնումները հեշտացնելու համար։ Մենք արդեն լավ ծանոթ ենք Վիկոֆին։ Նա արդյունավետ է։ Նա ապացուցել է իր արդյունավետությունը Մերձավոր Արևելքում։ Մենք հույս ունենք, որ նրա տաղանդը կշարունակի նպաստել ուկրաինական իրավիճակին։ Ռուսական կողմը պահպանում է իր բացությունը և պատրաստակամությունը խաղաղ երկխոսության համար։ Մենք հույս ունենք, որ Միացյալ Նահանգների ազդեցությունը և նախագահ Թրամփի դեսպանների դիվանագիտական հմտությունները կօգնեն խրախուսել ուկրաինական կողմին ավելի նախաձեռնողական և ավելի պատրաստված լինել խաղաղության գործընթացին», – հայտարարել է Կրեմլի խոսնակը։
Հիշեցնենք, որ երեկ Թրամփը, ելույթ ունենալով Իսրայելի խորհրդարանում, հայտարարել է, որ Գազայի հատվածում պատերազմի ավարտից հետո նա նախատեսում է ամբողջությամբ կենտրոնանալ Ուկրաինայում պատերազմի ավարտի վրա։
Ուրբաթ օրը նա Սպիտակ տանը կընդունի Զելենսկիին։
