Արմավիրի մարզային քննչական վարչության պետ Հրաչյա Ղազարյանն ազատվել է պաշտոնից
Մերձավանում տեղի ունեցած սպանության ֆոնին Հրաչյա Ղազարյանն ազատվել է ՔԿ Արմավիրի մարզային քննչական վարչության պետի պաշտոնից: Այդ մասին հրաման է ստորագրել ՀՀ քննչական կոմիտեի նախագահ Արթուր Պողոսյանը։
Պողոսյանի հրամանագրում նշված է, որ Ղազարյանն ազատվել է իր գրավոր դիմումի հիման վրա։
ՔԿ նախագահի մեկ այլ հրամանագրով Արմավիրի մարզային քննչական վարչության պետի պարտականությունների ժամանակավոր կատարումը վերապահվում է նույն վարչության պետի տեղակալ Արտակ Ղազարյանին։
«Ղեկավարվելով «Հայաստանի Հանրապետության քննչական կոմիտեի մասին» օրենքի 12-րդ հոդվածի 2-րդ մասի 3-րդ կետով հրամայում եմ ՀՀ ՔԿ Արմավիրի մարզային քննչական վարչության պետի պարտականությունների ժամանակավոր կատարումը վերապահել նույն վարչության պետի տեղակալ, արդարադատության առաջին դասի խորհրդական Արտակ Սարգսի Ղազարյանին’ մինչև հաստիքի համալրումը»,– ասված է հրամանագրում:
