Կասեցվել է Մասիսում գործող հանրային սննդի օբյեկտի գործունեությունը

ՀՀ սննդամթերքի անվտանգության տեսչական մարմնի ղեկավարի որոշմամբ կասեցվել է Արարատի մարզի Մասիս քաղաքում գործող անհատ ձեռնարկատեր Լուսիկ Կարապետյանին պատկանող հանրային սննդի օբյեկտի գործունեությունը: Այս մասին հայտնում են ՍԱՏՄ-ից:

Տեսչական մարմնի Արարատի մարզային կենտրոնի տեսուչների կողմից իրականացված վերահսկողության ընթացքում արձանագրվել են սանիտարահիգիենիկ նորմերի կոպիտ խախտումներ, մասնավորապես՝

* սննդի կառույցում չեն ապահովվել հիգիենիկ պայմաններում աշխատանք կատարելու համարժեք պայմաններ,

* պատերը չեն ունեցել հարթ, հեշտորեն մաքրվող ու ախտահանող մակերեսներ,

* չեն գործել արհեստական օդափոխության համակարգերը,

* բացակայել է անձնակազմի հանդերձարանը,

* չի սահմանվել մաքրման, ախտահանման, միջատազերծման և կրծողների ոչնչացման պարբերականությունը։

Խախտումների վերացման վերջնաժամկետ է սահմանվել։

Որոշման չկատարման կամ ոչ պատշաճ կատարման դեպքում օրենքով սահմանված կարգով կկիրառվի պատասխանատվություն։