Հռոմի պապը կոչ է արել հետաքննություն անցկացնել՝ պարզելու, թե արդյոք Գազայում Իսրայելի հարձակումները ցեղասպանություն են
Հռոմի պապ Ֆրանցիսկոսը կոչ է արել հետաքննություն անցկացնել՝ պարզելու, թե արդյոք Իսրայելի հարձակումները Գազայի վրա ցեղասպանություն է, ասվում է նոր գրքից կիրակի օրը հրապարակված քաղվածքում, գիրքը լույս կտեսնի պապի հոբելյանական տարվա նախաշեմին, գրում է La Stampa-ն։
Ֆրանցիսկոս պապն առաջին անգամ բացահայտորեն կոչ է արել հետաքննել Գազայի հատվածում Իսրայելի գործողությունների հետ կապված ցեղասպանության մեղադրանքները: Սեպտեմբերին նա հայտարարել էր, որ իսրայելական հարձակումները Գազայում և Լիբանանում «անբարոյական և անհամաչափ» են, իսկ նրա զինվված ուժերը դուրս են եկել պատերազմի վարման կանոնների սահմաններից:
Հերնան Ռեյես Ալկաիդայի գիրքը, որը հիմնված է Հռոմի պապի հետ հարցազրույցի վրա, կոչվում է «Հույսը երբեք չի հիասթափեցնում։ Լավագույն աշխարհի ճանապարհի ուխտավորները»: Այն լույս կտեսնի երեքշաբթի օրը՝ 2025 թվականին Հռոմի պապի հոբելյանին ընդառաջ։ Սպասվում է, որ Ֆրանցիսկոսի հոբելյանին ավելի քան 30 միլիոն ուխտավոր կհավաքվի Հռոմում՝ նշելու Սուրբ տարին:
«Որոշ փորձագետների կարծիքով, այն, ինչ կատարվում է Գազայում, ցեղասպանության հատկանիշներ ունի,- ասել է Հռոմի պապը իտալական La Stampa օրաթերթի կիրակի հրապարակած քաղվածքում։- Մենք պետք է մանրակրկիտ հետաքննենք՝ պարզելու, թե արդյոք դա համապատասխանում է իրավաբանների և միջազգային կազմակերպությունների կողմից ձևակերպված տեխնիկական սահմանմանը»:
