Իսրայելական բանակը հայտնել է «Հեզբոլլահի» 3 առանցքային անդամների սպանության մասին
Իսրայելական բանակը պնդում է, որ հարավային Բեյրութում լիբանանյան «Հեզբոլլահ» շարժման հետախուզության շտաբին հարվածելու հետևանքով լիբանանյան շարժման երեք «առանցքային» աշխատակից է սպանվել:
«Հեզբոլլահի» ենթադրյալ սպանված բարձրաստիճան անդամների ցուցակում են Էլհագ Աբաս Սալամեն, Ռաչա Աբաս Իչան և Ահմեդ Ալի Հասանը:
Իսրայելական բանակի հայտարարության համաձայն, հարված է հասցվել նաև Լիբանանի մայրաքաղաք Բեյրութում գտնվող զենքի գաղտնի արտադրամասին։
Սեպտեմբերի 23-ից Իսրայելը լայնածավալ օդային արշավ է սկսել Լիբանանի դեմ, որի հետևանքով հարյուրավոր խաղաղ բնակիչներ են զոհվել, իսկ ավելի քան 1,3 միլիոն մարդ ստիպված է եղել լքել իր տունը։
