Ադրբեջանում նորակոչիկները կարող են նախապես տեղեկանալ իրենց ապագա զորամասերի մասին
Ադրբեջանական APA լրատվական գործակալության փոխանցմամբ՝ Ադրբեջանում նորակոչիկները կարող են նախապես տեղեկանալ այն զորամասերի մասին, որտեղ նրանք պետք է անցնեն զինծառայության:
Այսպիսի տեղեկատվություն է տեղադրվել Զորահավաքի ու զորակոչի պետական ծառայության ինտերնետային կայքում: Քաղաքացիները կարող են կայքի «հարցեր-պատասխաններ» բաժնում իրենց անձնական տվյալները ներդնելուց հետո էլեկտրոնային դիմումի հիման վրա իմանալ այն զորամասը, որտեղ պետք է ծառայեն իրենք:
Գաղտնիության պահպանման համար այդ տեղեկատվությունը կուղարկվի նորակոչիկի փոստին: Քաղաքացիները կարող են «հարցեր-պատասխաններ» ծառայության միջոցով պարզաբանումներ ստանալ իրենց հուզող այլ խնդիրների շուրջ ևս:
