Թուրքիան վետո է դրել իսրայելական ֆորումին ՆԱՏՕ-ի հետազոտողների մասնակցության վրա
Իսրայելական Maariv թերթի փոխանցմամբ՝ չնայած Թուրքիային ու Իսրայելին հաշտեցնելու Սպիտակ տան ջանքերին՝ թուրք-իսրայելական հարաբերությունները շարունակում են մնալ լարված:
Թուրքիան վետո է դրել իսրայելական ֆորումին ՆԱՏՕ-ի հետազոտողների մասնակցության վրա: Այդ ֆորումը կազմակերպել է իսրայելական Բեգին-Սադաթ կենտրոնը, որը գործում է Բար-Իլանի համալսարանին կից:
Այդ ֆորումը պլանավորված է մայիսին, դրան պետք է մասնակցեր նաև ՆԱՏՕ-ում աշխատող գերմանացի հետազոտողների խումբը: Սակայն Թուրքիայի դիրքորոշման պատճառով այդ խումբը չի ժամանել Իսրայել: Թուրքիան դեմ է հանդես գալիս ՆԱՏՕ-ի հետ Իսրայելի համագործակցությանը:
