«Ցրտահարություն եղել է, բայց շատ վնաս չի պատճառել»
ՀՀ Գյուղատնտեսության նախարար Սերգո Կարապետյանի խոսքով` Արարատյան դաշտավայրում օրեր առաջ գրանցված ցածր ջերմաստիճանը պտղին վնաս տված չի լինի: «Թեև Արարատյան դաշտավայրի որոշ համայնքներում գրանցվել էր -2 և մի փոքր ավելի ցածր ջերմաստիճան, բայց չեմ կարծում, որ այն վնաս տված կլինի պտղատու ծառերին: Հիմա, որ նայեք՝ կտեսնեք, թե ծառերը որքան են փթթել, ամեն դեպքում, համատարած չէր ցրտահարությունը, և մեծ կորուստներ չեն լինի»,- ասաց Ս. Կարապետյանը: Հարցին՝ արդյո՞ք մասնագետները ստուգել են ցրտահարության չափը, և կոնկրետ ո՞ր համայնքներում է գրանցվել ցրտահարությունը, Ս. Կարապետյանը պատասխանեց, որ դեռ հստակ չեն վնասի չափերն ու համայնքները:
