Հայտնի են տեսողության համար ամենաօգտակար մթերքները

Որոշ մթերքներ կարող են դրական ազդեցություն ունենալ տեսողության վրա, քանի որ դրանք պարունակում են վիտամիններ և միկրոտարրեր, որոնք մասնակցում են նյութափոխանակության գործընթացներին և բարելավում են արյան շրջանառությունը և աչքերի սնուցումը: Ակնաբույժ Սվետլանա Միրգորոդսկայան Գազետա.Ru-ին պատմել են, թե որոնք են այդ մթերքները:

Նրա խոսքով, տեսողության և աչքի առողջության վրա դրական ազդեցություն ունեցող նյութերից են A, B1, B2, B6, B12, C, P, D և E վիտամինները, ինչպես նաև լյուտեինը, զեաքսանտինը, ցինկը և անտոցիանինը:

«Վիտամին A-ն (ռետինոլ) իր մաքուր տեսքով հայտնաբերված է ձվի, հյուսիսային սառը ծովերի ձկների, կարագի, լյարդի, կաթի, նեխուրի, մաղադանոսի և վայրի սխտորի մեջ, վառ կարմիր և նարնջագույն գույների բուսական արտադրանքներում` լոլիկ, գազար, ծիրան, խուրմա: B վիտամինները (B1, B2, B6, B12) հայտնաբերված են հացահատիկի, մսի, թանձր սերուցքի և բանանի մեջ: Վիտամիններ P (ռուտին) և C (ասկորբինաթթու) առկա են ցիտրուսային մրգերի, ազնվամորու, կեռասի, մոշի, խաղողի, սև հաղարջի, մասուրի, բուլղարական պղպեղի, պապրիկայի, կաղամբի, լոլիկի, կարտոֆիլի, կիտրոնների մեջ»,- ասել է Միրգորոդսկայան։

Վիտամին D (կալցիֆերոլ) առկա է ծովային ձկների և սնկերի մեջ՝ շամպինիոններում, իսկ վիտամին E (տոկոֆերոլ)՝ ընկույզում, չզտված բուսական յուղերում և տերևավոր կանաչիներում, ըստ shantnews-ի՝ հավելել է մասնագետը։

«Ցինկը կարելի է գտնել ոստրեների, ծովախեցգետնի, գառան, տավարի մսի, դդմի սերմերի, սոճու ընկույզի, լոբի, ոլոռի, գետնանուշի, սնկերի մեջ: Լյուտեինը և զեաքսանտինը պարունակում են սպանախը, բրոկկոլին, դդումը, կանաչ ոլոռը, լոբին, եգիպտացորենը և խուրման, սեւ հաղարջը, հապալասը, մոշը, ազնվամորին, լոռամիրգը»,- թվարկել է բժիշկը։