Ծովախեցգետիններով թթվապուր

Բաղադրիչները՝

• 2 լիտր ձկնային արգանակ
• 400 գ մաքրած ծովախեցգետիններ
• 2 հատ թթու վարունգ
• 100 գ շագանակագույն բրինձ
• 4 հատ կարտոֆիլ
• 1 հատ գազար
• 2 հատ մաղադանոսի արմատ
• 1 գլուխ սոխ
• 5 ճ.գ. վարունգի թթվաջուր
• 2 ճ.գ. բուսական յուղ
• 5 ճ.գ. թթվասեր
• 2 ճ.գ. մաղադանոսի կտրտած տերևներ

Պատրաստման եղանակը

Գազարը, մաղադանոսի արմատը և սոխը տաշեղների ձևով կտրատեք ու յուղի մեջ տապակեք:

Վարունգը մաքրեք կեղևից ու սերմերից, շեղանկյունաձև կտրատեք և 15 րոպեով մտցրեք 2-3 ճ.գ. արգանակի մեջ:

Կարտոֆիլը երկար ուղղանկյունների ձևով կտրատեք:

Բրինձը լցրեք եռացող արգանակի մեջ, ավելացրեք նաև կարտոֆիլն ու 10 րոպե եփեք: Ավելացրեք յուղի մեջ տապակած բանջարեղենն ու ևս 10 րոպե եփեք: Ապա արգանակի մեջ լցրեք ծովախեցգետինները, վարունգը, վարունգի թթվաջուրը, աղ ու պղպեղ արեք, եռացրեք ապուրը մինչև պատրաստ լինելը:

Մատուցելիս ապուրը համեմեք թթվասերով ու կտրտած կանաչիով: