Վրաստանում պատմել են Հայաստանի հետ սահմանի հատման խարդախության սխեմայի մասին
Վրաստանի դատախազությունը մեղադրանք է առաջադրել մեկ օտարերկրացու և Վրաստանի չորս քաղաքացիների՝ խարդախության և խարդախության փորձի գործով, որը կապված է նաև վրաց-հայկական սահմանի հատման հետ, հայտնում է Georgia Online-ը։
Դատախազության տվյալներով, հետաքննությունն իրականացնում է Վրաստանի պետական անվտանգության ծառայությունը։ Մեղադրյալներից մեկը 14,5 հազար դոլարի դիմաց օտարերկրյա քաղաքացուն խոստացել էր օգնել Վրաստանում կացության թույլտվություն ստանալու հարցում։
Բացի այդ, մեղադրյալները 5 հազար դոլարի դիմաց առաջարկել էին ստեղծել օտարերկրացու՝ Վրաստանում գտնվելու օրինական հիմքեր, ապահովել նրա համար Հայաստանի հետ սահմանը հատելու և հետ վերադառնալու հնարավորությունը։ Այդ գումարից նրանք հասցրել էին ստանալ 3 հազար դոլար։
Մեղադրանքներ են առաջադրվել Վրաստանի քրեական օրենսգրքի՝ խոշոր չափերով խարդախության և նախնական համաձայնությամբ մի խումբ անձանց կողմից կատարված խարդախության փորձի վերաբերյալ հոդվածներով։
Վերագրվող հանցագործությունների համար նախատեսվում է մինչև ինը տարվա ազատազրկում։
