Մեքենաների հայելիներ գողացած անձին հայտնաբերել են
Ոստիկանության Մարաշի բաժանմունքի քրեական հետախույզները տեղեկություններ էին ստացել, որ Վարդաշենի 12-րդ փողոցի 33-ամյա մի բնակիչ գողություններ է անում:
Օգոստոսի 21-ին կասկածվողը Վարդաշենից, իր «Օպել» մակնիշի մեքենայով հանդերձ, բերման ենթարկվեց ոստիկանության Մարաշի բաժանմունք: Զննությամբ մեքենայում հայտնաբերվեց տարբեր մակնիշի մեքենաների կողային հայելիներ:
Ավելի ուշ պարզվեց, որ բերման ենթարկված տղամարդը հունիսի-օգոստոս ամիսներին գողացել է Արգիշտիի փողոցում կայանված «Լեքսուս» մակնիշի մի մեքենայի կողային հայելիները, նաև նմանատիպ գողություններ է արել Արաբկիր վարչական շրջանում:
Նա տվել է խոստովանական բացատրություն:
«Լեքսուսի» վարորդից ընդունվել է հաղորդում:
Միջոցառումներ են ձեռնարկվում մյուս տուժողներին հայտնաբերելու ուղղությամբ:
Նախապատրաստվում են նյութեր:
