Լեհական ամրոցում նացիստական գաղտնարան է հայտնաբերվել
Լեհական Նովի-Սոնչ քաղաքում՝ 14-րդ դարի Թագավորական դղյակի ավերակներում, հայտնաբերվել է գանձերով լի գաղտնարան: Գաղտնարանում եղել է հնաոճ արծաթ: Ենթադրվում է, որ գաղտնարանը թաքցրել են նացիստները, գրում է The First News-ը:
Հայտնաբերված իրերի մեջ եղել են արծաթե գավաթներ, ծաղկամաններ և սպասք: Ընդհանուր՝ 103 իր՝ պատրաստված Ավստրիայում և Լեհաստանում:
Տեղացի հնագետ Բարթոլոմեյ Ուրբանսկին կարծում է, որ իրերը պատկանել են հրեական ընտանիքներին, որոնք ապրել են Նովի-Սոնչում Երկրորդ համաշխարհային պատերազմի տարիներին:
1941-ին քաղաքի հրեա բնակչությունն աքսորվել է գետտո: Մեկ տարի անց բոլոր նրանք, ովքեր ապրում էին այդտեղ, սպանվել են կամ աքսորվել են համակենտրոնացման ճամբարներ:
Այդ օրերին Թագավորական ամրոցը գերմանական զորքերի զորանոցն է եղել:
Պատրաստեց Անի Գաբուզյանը
