««Մանչեսթեր Յունայթեդը» կարող է ավարտել մրցաշրջանը թոփ-4-ում». Ռիո Ֆերդինանդ

Անգլիական «Մանչեսթեր Յունայթեդի» նախկին պաշտպան Ռիո Ֆերդինանդը խոսել է այն մասին, թե ինչպես կարող են մանկունյանցիներն ավարտել մրցաշրջանը:

«Որպես երկրպագու՝ ցանկանում ես, որ թիմը հաղթի, լավ խաղա, դրական արդյունքների հասնի, որպեսզի լավագույն խաղացողներն ազդեն խաղի վրա և գոլեր խփեն: Այս մրցաշրջանում մենք դա տեսնում էինք «Մանչեսթեր Յունայթեդում» ժամանակ առ ժամանակ:

Այս պահին, խոսելով Չեմպիոնների լիգայի որակավորման մասին, «Յունայթեդը» բախտավոր է, որ չկա այնպիսի թիմ, որը կամրապնդի իր տեղը լավագույն 4-ում: Այնպես որ, ամեն ինչ կախված է նրանցից:

Հետ նայելով անցած տարիների հաջողություններին՝ մենք հիմա տեսնում ենք վատ պատկեր: Երկրպագուները հիշում են այն հաղթանակները, այն ժամանակվա խաղացողներին, նրանք սովոր են հաղթանակների:

Յուրաքանչյուր ոք ցանկանում է, որ իր թիմը լավ արդյունքներ ցույց տա: Երբ նայում ես այս կազմի մեջ ներդրված գումարի չափին, երկրպագուները թիմից ավելին են ակնկալում:

Հուսով եմ, որ ակումբը կվերադառնա ճիշտ ուղու վրա»,- Ֆերդինանդին է մեջբերում Talk Sport-ը:

Պատրաստեց Անի Գաբուզյանը