Տղամարդը խոստովանել է, որ ավտոկայանտեղիում կոտրել է մեքենաներից մեկի կողային ապակին ու գողություն է արել
Նոյեմբերի 3-ին՝ ժամը 15-ի սահմաններում, ոստիկանության Մալաթիայի բաժնի քրեական հետախույզները, Ծիծեռնակաբերտի խճուղուց բաժին բերման են ենթարկել Երևանի բնակիչ, 31-ամյա մի տղամարդու։ Նա խոստովանել է, որ առևտրի կենտրոնի ավտոկայանտեղիում կոտրել է մեքենաներից մեկի կողային ապակին ու գողություն արել, իսկ դեպքից րոպեներ անց ոստիկանների կողմից բռնվել։ Գողոնը հայտնաբերվել և առգրավվել է։ Դեպքի հանգամանքները պարզվում են։ Նախապատրաստվում են նյութեր։
