Գրիզմանը պատրաստ է ցածր աշխատավարձի՝ հանուն «Բարսելոնայի»
«Ատլետիկոյի» հարձակվող Անտուան Գրիզմանը ցանկանում է տեղափոխվել «Բարսելոնա» մրցաշրջանի ավարտին:
Ֆրանսիացին մոտ էր կատալոնական ակումբ տեղափոխվելուն նախորդ տարի, սակայն նախընտրեց մնալ «Ատլետիկոյում»՝ պայմանագիրը երկարաձգելու համար:
Ներկայումս 28-ամյա հարձակվողը մադրիդյան թիմում ստանում է տարեկան 23 միլիոն եվրո: Կատալոնական ակումբը առաջարկում է ֆուտբոլիստին 16 միլիոն եվրո աշխատավարձ:
Այժմ Գրիզմանը համաձայն է աշխատավարձի նվազման՝ կատալոնական ակումբի համար:
Կատալոնական ակումբի առաջնահերթությունը, սակայն, այլևս Գրիզմանը չէ: Թիմը այժմ ցանկանում է գնել Լուկա Յովիչին և Մարկուս Ռեշֆորդին:
Ամեն դեպքում «Բարսելոնան» ամռանը կարող է ստորագրել Գրիզմանին՝ 120 մլն եվրոյով: Հուլիսի 1-ին նրա հրաժարագրի գումարը կդառնա 200 միլիոն եվրո:
Օրերս, Գրիզմանը նշել էր, որ ինքը այս պահին մտածում է միայն մրցաշրջանը լավ ավարտելու մասին:
«Ես արդեն սովոր եմ և կուշտ եմ: Ամեն տարի նույն բանն է տեղի ունենում: Ես արդեն հոգնել եմ:
«Ատլետիկոն» դժվարին մրցաշրջան ունեցավ, բայց ես միշտ վստահ էի, որ թիմը ինձ պետք է: Այժմ մենք պետք է ավարտենք լավ մրցաշրջանը, հետո մտածենք ապագայի մասին»,- ասել է Գրիզմանը:
Սիրարփի Աղաբաբյան
