«Խոստացա Ռոնալդինիոյին, որ նրան հիվանդանոց կուղարկեմ: Նա ներողություն խնդրեց». Մակելելե
«Չելսիի» նախկին կիսապաշտպան Կլոդ Մակելելեն պատմել է, թե ինչպիսի երկխոսություն է նա ունեցել դաշտում «Բարսելոնայի» նախկին ֆուտբոլիստ Ռոնալդինիոյի հետ:
«Մի պահ (Չեմպիոնների լիգայի՝ «Չելսի»-«Բարսելոնա» հանդիպման ժամանակ) ես մոտեցա Ռոնալդինիոյին և ասացի, որ ես կցանկանամ, որ նա փորձի հաղթել ինձ՝ օգտագործելով սովորական հնարքներ, և ցույց չտա իր հնարքները PlayStation-ից: Խոստացա Ռոնալդինիոյին, որ նրան հիվանդանոց կուղարկեմ, եթե նա այդպես անի:
Գիտե՞ք, թե ինչ արեց նա: Նա ներողություն խնդրեց»,- ասել է Մակելելեն:
Սիրարփի Աղաբաբյան
