«Բարսելոնան» չի պլանավորում գնել Գրիզմանին

Ինչպես պնդում է ESPN-ը, «Բարսելոնան» մտադիր չէ առաջիկա ամառային տրանսֆերային պատուհանի ընթացքում գնել «Ատլետիկոյի» հարձակվող Անտուան Գրիզմանին:

Ինչպես հայտնի է, մադրիդյան ակումբի հետ ֆրանսիացի ֆուտբոլիստի պայմանագիրը նախատեսում է 120 մլն եվրոյի չափով հրաժարագին, որը հաջորդ մրցաշրջանում կաճի մինչև 200 մլն եվրո:

Ավելի վաղ հաղորդվել էր, որ ինքը՝ հարձակվողը, կասկածի տակ է դնում իր ապագան մադրիդյան ակումբում Չեմպիոնների լիգայի 1/8 եզրափակչում «Յուվենթուսին» պարտվելուց (0:3, 2:0) և մրցաշարից դուրս մնալուց հետո: Նշվում է, որ գործակալները ֆուտբոլիստին առաջարկել են «Բարսելոնային»:

Ըստ աղբյուրի տվյալների՝ կատալոնացիները հետաքրքրված չեն հարձակվողով, ով նախորդ ամռանը հրաժարվեց համալրել «կապտանռնագույնների» կազմը:

Ընթացիկ մրցաշրջանում «Ատլետիկոյի» կազմում անցկացրած 39 խաղերում Գրիզմանը դարձել է 18 գոլի և 8 ասիստի հեղինակ:

Պատրաստեց Անի Գաբուզյանը