Պուտինը շնորհակալություն է հայտնել Թրամփին՝ Ուկրաինայի հակամարտության հարցով ուշադրության համար
Ռուսաստանի նախագահ Վլադիմիր Պուտինը ԱՄՆ նախագահի հատուկ բանագնաց Սթիվ Ուիթքոֆի հետ հանդիպման ժամանակ շնորհակալություն է հայտնել ԱՄՆ նախագահ Դոնալդ Թրամփին՝ Ուկրաինայում հակամարտության կարգավորման խնդրին ցուցաբերած ուշադրության համար։ Այս մասին հաղորդում է ՏԱՍՍ գործակալությունը։
Պուտինը նշել է, որ Թրամփն իրենց վերջին հեռախոսազրույցի ընթացքում շեշտել է Ուկրաինայում հակամարտությունը դադարեցնելու անհրաժեշտությունը՝ մարդկային կորուստներին վերջ տալու համար։
Ռուսաստանի նախագահը նաև հայտարարել է, որ հետաքրքրված է ԱՄՆ-ի հետ տնտեսական համագործակցության վերականգնման հարցով։
