Արմեն Սարգսյանը շնորհավորել է Քիմ Քարդաշյանի ծննդյան օրը՝ հիշելով նրա Հայաստան այցը
ՀՀ չորրորդ նախագահ Արմեն Սարգսյանը շնորհավորել է համաշխարհային աստղ Քիմ Քարդաշյանի ծննդյան օրը․
«Սիրելի՛ Քիմ, Շնորհավորում եմ քեզ ծննդյանդ օրվա առթիվ և հղում լավագույն բարեմաղթանքներս։ Ջերմությամբ եմ հիշում յոթ տարի առաջ Հայաստան կատարած քո այցը։
Նունեն ու ես մեծ ուրախությամբ հյուրընկալեցինք քեզ և ընտանիքիդ։
Մեր զրույցների ընթացքում ինձ հատկապես տպավորեց քո խոր նվիրվածությունը Հայաստանին և այն, թե որքան կարևոր են քեզ համար հայկական արմատներն ու ժառանգությունը»։
