Թրամփի հատուկ ներկայացուցիչը Ռուսաստանում է՝ բանակցությունների համար
ԱՄՆ նախագահի հատուկ ներկայացուցիչ Սթիվեն Ուիտկոֆը կրկին մեկնել է Ռուսաստան՝ Ուկրաինայում պատերազմի ավարտի շուրջ բանակցություններ վարելու համար, հայտնում է BBC-ն։
Նրա այցը տեղի կունենա Օսլոյում Վլադիմիր Զելենսկու հետ հանդիպման հաջորդ օրը, ուր Ուկրաինայի նախագահը բերել էր որոշ նոր առաջարկներ, որոնք Ուիտկոֆը պետք է փոխանցի ռուսական իշխանություններին։
Երեքշաբթի օրը Զելենսկին Օսլոյում բանակցություններ է վարել Ուիտկոֆի հետ։ Հանդիպմանը մասնակցել են նաև Նորվեգիայի վարչապետ Յոնաս Գար Ստյորեն և Ֆինլանդիայի նախագահ Ալեքսանդր Ստուբը։ Թրամփի ևս մեկ հատուկ բանագնաց և նրա փեսա Ջարեդ Քուշները միացել է գագաթնաժողովին տեսակապով։
«Մենք ունենք մի շարք հստակ գաղափարներ, թե ինչպես հասնել խաղաղության։ Այս ջանքերում մենք միասնական ենք մեր եվրոպացի գործընկերների հետ», — նշել է Զելենսկին Օսլոյում բանակցություններից հետո կայացած մամուլի ասուլիսի ժամանակ։ «Մենք կցանկանայինք, որ ամերիկացիները այս գաղափարները հասցնեն ռուսներին»։
