Volkswagen-ի վիճակն ավելի է վատթարանում․ ընկերությունը նախատեսում է սառեցնել 660 հազար աշխատակցի աշխատավարձերը

Volkswagen-ը նախատեսում է մինչև 2030 թվականը սառեցնել 660 հազար աշխատակցի աշխատավարձերը, կրճատել պարգևավճարներն ու վերացնել արտոնությունները։

Գերմանական Süddeutsche Zeitung թերթի փոխանցմամբ՝ այս միջոցառումների հետևանքով գնաճի պատճառով աշխատակիցների իրական աշխատավարձը կնվազի 10%-ով։

Ավելի վաղ լրատվամիջոցները գրել էին, որ Volkswagen-ը նախատեսում է կրճատել 50 հազար աշխատատեղ և, հավանաբար, փակել մի քանի գործարան։ Ընկերությունը նաև քննարկում է Ducati մոտոցիկլետների արտադրողի վաճառքի հնարավորությունը և ցանկանում է երկու անգամ կրճատել մոդելային շարքը։